結婚14周年 : 象牙婚 Ivory Wedding 🌹@ 半島酒店

象牙婚嘅意思係話婚姻經過14年嘅洗禮，早已冇咗當初嘅浮躁同脆弱，變得溫潤、堅固，仲好珍貴。就好似我哋咁，愈嚟愈懂對方 😛

今年係我哋14年以嚟第一次冇請假慶祝。冇辦法啦，手頭嘢多，加上放假都畀上司暗串 😒 不過，返工還返工，點都阻唔到我哋慶祝嘅決心😏 諗起吳生鍾意食自助餐，我就揀咗露台餐廳，貪佢食物重質不重量，靜靜哋慢慢食慢慢傾，最啱我哋。

其實我哋兩個都唔係幾舒服，尤其我感冒咗成個星期，胃口麻麻，成晚大多時間傾計，我永遠有數不盡既話題😂 

吳生今年特別多感觸，成日掛住「14年」呢三個字喺口邊：「嘩，咁就14年啦！」我問佢：「係咪覺得悶呀？」佢笑笑口話：「點會悶吖！」係嘅，佢老婆我成日都咁多「花臣」，生活又點會平淡呢？多采多姿先係我哋嘅日常嘛😆

走嗰陣，我又有啲唔舒服😷😷 吳生二話不說拖住我隻手，帶我去截的士返歸。佢隻豬手就係我最大嘅安全感。

冇錯，呢個象牙婚，係冇假期但一樣咁快樂🎊